سياسة الخصوصية

آخر تحديث: 25 تشرين الأول 2026

مين إحنا

نافذة (nafithaweb.com) بتصمم وبتبني مواقع وأنظمة للمحلات والشركات بالقدس. هاي الصفحة بتشرح شو المعلومات اللي بنجمعها من موقعنا ولوحة التحكم تبعتنا، وكيف بنستعملها.

شو المعلومات اللي بنجمعها

• لما تعبّي نموذج التواصل أو تحجز استشارة: اسمك، رقم تلفونك، نوع مشروعك، وموعد الاستشارة إذا حجزت.
• عدد الزيارات للموقع بشكل عام، بدون ما نحفظ مين انت.

كيف بنستعملها

• عشان نتواصل معك ونرتّب موعد الاستشارة ونبعتلك عرض أو تصوّر لمشروعك.
• ما بنبيع معلوماتك ولا بنعطيها لحدا، وما بنستعملها لإعلانات.

تقويم جوجل

لوحة تحكم نافذة بتنربط مع تقويم جوجل تبع صاحب نافذة بس، عشان كل موعد استشارة ينضاف لتقويمه. الصلاحية الوحيدة اللي بنطلبها هي إضافة وتعديل ومسح مواعيد الاستشارة اللي اللوحة عملتها. ما بنقرأ مواعيدك الثانية، وما بنشارك أي اشي من حساب جوجل مع حدا. استعمال المعلومات اللي بتيجي من خدمات جوجل ملتزم بسياسة Google API Services User Data Policy، ومن ضمنها شروط الاستعمال المحدود (Limited Use). بتقدر تلغي الربط بأي وقت من اللوحة أو من إعدادات حساب جوجل.

وين بتنحفظ المعلومات

المعلومات محفوظة على خوادم Cloudflare، وبس صاحب نافذة بيقدر يشوفها من لوحة التحكم بكلمة سر وتحقق بخطوتين.

مسح معلوماتك

إذا بدك نمسح معلوماتك، ابعتلنا عالواتساب 0524315036 أو عالإيميل [email protected] وبنمسحها.